

D2609

གཤིན་རྗེ་གཤེད་ཀྱི་སྒྲུབ་ཐབས་སློབ་དཔོན་ཨ་ཤྭ་ཀ་ཤྲཱིས་མཛད་པ་རྫོགས་སོ།། །།པཎྜི་ཏ་དྷརྨ་ཤྲཱི་མི་ཏྲ་དང་། ལོ་ཙཱ་བ་ཆོས་ཀྱི་བཟང་པོས་བསྒྱུར་བའོ།། །།[་]@##། །རྒྱ་གར་སྐད་དུ། ཨཱརྱ་ཙ་ལ་སཱ་དྷ་ནཾ། བོད་སྐད་དུ།འཕགས་པ མི་གཡོ་བའི་སྒྲུབ་ཐབས།རྡོ་རྗེ་རྣོན་པོ་ལ་ཕྱག་འཚལ་ལོ་།གསུང་སྒྲ་ཟབ་མོའི་སྒྲ་སྒྲོགས་ཤིང་། །འཇམ་པའི་མགོན་ལ་ཕྱག་འཚལ་ནས། །མཚན་གྱི་དོན་ལ་རབ་བརྟེན་ཏེ། །བདག་གིས་སྒྲུབ་ཐབས་རབ་ཏུ་བཤད། །མེ་ཏོག་ཁང་པ་མཛེས་པར་ནི། །བདེ་བའི་སྟན་ལ་ ཉེར་འདུག་སྟེ།།རང་གི་སྙིང་གའི་ཨ་ལས་ནི། །དཀོན་མཆོག་ལ་སོགས་སྤྱན་དྲངས་ཏེ། །ཕྱག་འཚལ་མཆོད་ལ་སོགས་པ་བྱ། །བྱང་ཆུབ་མཆོག་ཏུ་སེམས་བསྐྱེད་དོ། །ོཾ་ཨ་བྷཱ་བ་སྭ་བྷཱ་བ་བི་ཤུདྡྷ་བཛྲ་ཙཀྵུ་ཨ་ཨཱ་ཨཾ་ཨཿ། དེ་ནས་ཨ་ལས་བྱུང་བ་ཡི། །རྡོ་རྗེ་རྣོན་པོར་རབ་བསྐྱེད་དེ། ། མདོག་དམར་པདྨ་རལ་གྲི་བསྣམས། །གླང་ཆེན་སྟེང་དུ་རབ་ཏུ་བསམ། །ཉི་སྟེང་རལ་གྲིའི་འཕྲོ་འདུ་ལས། །མི་གཡོ་བར་ནི་རབ་ཏུ་གྱུར། །རལ་པ་གཅིག་བསྡུས་འགྱིང་བག་ཅན། །སྐུ་མདོག་དམར་ནག་འཇིགས་བྱེད་ཆེ། །གླང་ཆེན་ཀོ་བ་རློན་པས བརྒྱན།།ཤུགས་དང་བཅས་པའི་ཀླུ་ཡིས་བརྒྱན། །ཞགས་པ་རལ་གྲི་ཕྱག་ན་བསྣམས། །ཧ་ཧ་ཧི་ཧི་རྡོ་རྗེའི་སྒྲ། །མེ་ཡི་ཕུང་པོ་རབ་འཕྲོ་བས། །ཚད་མེད་བཞི་ལྡན་བསྒོམ་པར་བྱ། །ཉི་མ་ཨ་ཡི་ས་བོན་ལས། །བདེ་གཤེགས་སྤྱན་དྲངས་རབ་ཏུ་མཆོད། །ཕྱག་རྒྱ་བཞི་ཡིས་ རྒྱས་བཏབ་ནས།།དབང་བསྐུར་བྱིན་བརླབས་ལ་སོགས་བྱ། །དེ་ནས་སྐྱོ་ན་བཟླས་བྱ་སྟེ། །ོཾ་བཛྲ་ཏཱིཀྵྞ་ཨ་ཙ་ལ་དྷཱིཿ། དེ་ནས་གཏོར་མ་བཏང་བར་བྱའོ། །ོཾ་བཛྲ་མུཿ། སྤྱོད་ལམ་གྱིས་གནས་པར་བྱའོ། །དྲི་མེད་ཡེ་ཤེས་ལས་བྱུང་འདི། །བདག་གིས་སྒྲུབ་ཐབས་ལས་བྱུང་བ། །